Í tilefni af útkomu Betra en best heldur Mannakorn í víking og mun spila á tónleikum og fyrir dansi víðsvegar um landið í sumar. Föstudagskvöldið 27. ágúst og laugardagskvöldið 28. ágúst verða þeir félagar á Kringlukránni í Reykjavík.  

Á geisladisknum Betra en best eru 14 ný lög með þessari ástsælu hljómsveit. Höfundur laga og texta er Magnús Eiríksson en hann leikur jafnframt á gítar og syngur. Pálmi Gunnarsson spilar á bassa og syngur. Þeim félögum til fulltingis eru síðan þeir Þórir Úlfarsson hljómborð, slagverk og raddir, Sigfús Óttarsson á trommur og áslátt, Magnús Einarsson á mandólín og Ellen Kristjánsdóttir sem syngur eitt lag.