Á fundi sem Óttar Felix Hauksson hélt með forráðamönnum hinnar árlegu Kínversku listhátíðar i Shanghai,  í tengslum við undirritun útgáfusamnings Robertino, var afráðið að bjóða Guitar Islancio að leika á Listahátíðinni í október og efna til hljómleikaferðar um Kína árið 2005. 

Kínverjarnir hrifust mjög af nýjasta disk Guitar Islancio Scandinavian Songs, sem Óttar kynnti fyrir þeim, ásamt annarri íslenskri tónlist. Hann fékk einnig fyrirspurn varðandi Íslenska dansflokkinn, en hróður hans virðist hafa borist forráðamönnum Kínversku listahátíðarinnar.